श्रीमती र छोराछोरीलाई घरमा थुनेर आगो लगाउने एक जना पक्राउ

रुपन्देही – आफ्नै श्रीमती र छोरा छोरीको हत्या गर्ने प्रयासको आरोपमा रुपन्देहीको देवदहका व्यक्ति पक्राउ परेका छन् । देवदह वडा नं. ९ कालिका टोलस्थित ३९ वर्षका रामबहादुर विकलाई इलाका प्रहरी कार्यालय बुटवलले पक्राउ गरेको हो ।

विकले गत सोमबार साँझ आफ्नै घरभित्र बसेका श्रीमती र छोराछोरीलाई भित्र थुनेर बाहिरबाट चुक्कुल लगाई घरमा आगो लगाएका थिए । घरको छानोमा आगो सल्किएर दन्किन थालेपछि घर भित्रबाट उनीहरुले हारगुहार गरेपछि गाउँलेहरू जुटेर आगो निभाई उद्धार गरिएको थियो ।