विप्लव नेतृत्वको नेकपाले भोलि पत्रकार सम्मेलन गर्दै

काठमाडौं – नेपाल कम्युस्टि पार्टी (नेकपा)ले विशेष पत्रकार सम्मेलनको आयोजना गरेको छ । भोलि (बुधबार) दिउँसो १ बजे राष्ट्रिय नाचघर जमलमा उक्त सम्मेलनको आयोजना गरिएको पार्टी प्रवक्ता खड्गबहादुर विश्वकर्माले जानकारी दिए ।

सम्मेलनमा देशको विकसित राजनीतिक घटनाक्रमबारे जानकारी छलफल हुने विश्वकर्माले बताए । साथै नेकपा (एमाले) नेतृत्वको सरकारसँग गरिएको ३ बुँदे सहमति सहितको वार्ताको उपलब्धीबारे जानकारी गराइने छ ।

सोही पत्रकार सम्मेलनमा नेकपाले अख्तियार गर्ने थप रणनीतिका विषयमा समेत जानकारी दिने बताएको छ । पत्रकार सम्मेलनमा विप्लवसहित प्रवक्ता खड्गबहादुर विश्वकर्मा सहित सचिवालय, पोलिटब्यूरो र केन्द्रीय सदस्य समेतको सहभागी हुने भएका छन् ।