मिस ग्रान्ड २०२२को टप १६मा लक्ष्मी धमला, उनीलाई जिताउन यसरी गर्नुहोस् भोट

काठमाडौं–आर.के इन्टरटेन्मेन्ट ग्रुपले मिस ग्रान्ड नेपाल मार्फत वर्षेनि देशको प्रतिनिधित्व गराउँदै विभिन्न देशका फरक फरक टाइटल मार्फत आफ्नो देशलाई चिनाउन आफ्ना प्रतिष्पर्धीहरु तयार पार्दै आएको छ । यसपटक पनि सयौंबाट छानिएर आएका १६ जनाबीच तिव्र प्रतिस्पर्धा देखिएको छ ।

यसैक्रममा ओखलढुंगा सिद्दिचरण नगरपालिका कि लक्ष्मी धमला पनि प्रतिष्पर्धामा उत्रिएकी छिन। उनि सानै उमेर देखि नाच्न र विभिन्न ठाउँ घुमेर केही नयाँ कुराहरु सिक्ने खोज्ने स्वभाव कि रहेकी थिइन । त्यसैगरी गित गाउन , अभिनय गर्न र नयाँ खोजको लागि अध्ययनमा उनको रुचि रहेको छ । उनको अझ धेरै रुचि चै कथा, कविताहरु लेख्न र नोभल पढ्नमा रहेको छ ।

सानैदेखि पढाइ र अतिरिक्त क्रियाकलापमा अब्बल रहेकी धमला यतिबेला अर्को ठुलो प्रतिष्पर्धामा भिडिरहेकी छिन । उनले यस भन्दा अगाडी थुप्रै ठाउँ र स्कुलमा आफ्नो प्रस्तुतिहरु देखाइसकेकि छिन । उनले यस अघि केही म्युजिक भिडियोहरुमा अभिनय समेत गरिसकेकी छिन ।

धमलाले पिछडिएर रहेका दिदिबहिनिहरुको समस्यालाई बुझेर उनिहरुलाई अरु सरह जिउन सक्ने बनाउन आफुले सधैं भुमिका खेल्ने बताएकी छिन । उनले आफ्नो आइडलको रुपमा भने समाजको लागि अतुलनीय योगदान दिएकी अनुराधा कोइरालालाई लिएकी छिन । उनी पनि भविष्यना कोइरालाको जस्तै काम गरेर धेरैको प्रेरणाको श्रोत बन्न्ने अठोट लिएकी छिन । कोइरालाको धेरै कामहरुबाट प्रभावित भएको धमला बताउँछिन ।

समाजसेवा गर्ने नै धमलाको मुख्य उदेश्य रहेको छ । मोड्लिङ क्षेत्रमा देखिएका समस्याहरुलाई उजागार गरि सबै महिला साथीहरुलाई खुलेर यस क्षेत्रमा लाग्न प्रेरणा दिने उनको उदेश्य रहेको छ । उनले आमा बुबाको सपना पुरा गर्दै विभेदरहित समाज बनाउने लक्ष्य रहेको बताएकी छिन । उनि यतिबेला काठमाडौंमा आफ्नो लक्ष्य पुरा गर्न सुन्दर भविष्य खोज्दै छिन। उनले चाबहिलको पशुपति मित्र मावी बाट उत्कृष्ट अङ्कसहित एसईई पास गरेकी हुन भने २ व्यवस्थापन सङ्कायमा लुम्बिनी एकेडेमी बाट गरेकी हुन । उनी अहिले ब्रीलियन्ट कलेजमा मानविकीमा ब्याचलर गर्दै छिन ।

मिस ग्रान्ड नेपाल २०२२ मा उनि यतिबेला उत्कृष्ट १६ छानिएकी छिन। राजधानीको ठमेलस्थित होटल नेपालयमा गरिएको अडिसनमा सयौ सुन्दरीहरुको सहभागिता मध्य अहिले १६ जना मात्रै अग्र स्थानमा पुगेका छन । धमलालाई बलियो उपाधि दाबेदारको रुपमा समेत हेरिएको छ । छनोटमा परेका १६ जनाकै अहिले ट्रेनिङ सेसन भैरहेको छ र भोटिङ राउन्ड पनि सुरु भैइसकेको छ । उनले आफू मिस ग्रान्डमा विजेता हुनकै लागि आएको र त्यसको लागि कडा मेहनत गरिरहेको बताएकी छिन । आफ्नो कन्फिडेन्स लेभल , परिवारको पुर्ण साथ र सहयोग, सुन्दरता र आफ्नै कडा मेहनतले मिस ग्रान्ड जित्ने धमला बताउँछिन ।

भदौ महिनाको पहिलो हप्तामा नै फिनाले सम्पन्न गर्ने आयोजक टिमको तयारि रहेको छ । विजेता बन्नको लागि नै धमला यतिबेला कडा मेहनत गरिरहेकी छिन। उनि आफु उपाधि जित्नकै लागि भाग लिएको बताउँछिन। मिस ग्राण्ड २०२२ एउटा खुड्किला मात्र भएको र आफ्नो जिन्दगीको यात्रामा यस्ता थुप्रै प्रतिष्पर्धा गरेर देशको नाम चिनाउने उदेश्य बोकेर हिडेको बताउँछिन। नेपालको नाम कुनै न कुनै हिसाबले अन्तरास्ट्रिय स्तरमा आफूले प्रतिनिधित्व गर्दै विश्वभर चिनाउन ठूलो इच्छा रहेको बताएकी छिन ।

उनलाई प्रतिष्पर्धामा विजेता बनाउनको लागि भने भोटिङ गर्नुपर्ने हुन्छ । भोटिङ लाइन खुलिसकेको छ । उनलाई विजेता बनाउन भने आफ्नो मोबाइलमा खल्ती एप डाउनलोड गरेर मिस ग्रान्ड नेपालको पोष्ट खोली कन्टेस्टेन्ट नम्बर ०९ मा भोट गर्न सकिन्छ । एक भोट भने फ्री रहेको छ । उनले सबै दर्शक साथीहरुलाई भोटको लागि अपिल समेत गरेकी छिन ।