रौतहटको अन्होतीलाल माविको भवन निर्माण

रौतहट– रौतहट जिल्लाको परोहा नगरपालिका मेयर शेख वकिल र छायाँ नेपालको कार्यकारी निर्देशक कमल थापाले अन्होतीलाल मा.वि बसन्तपट्टीको भवन उद्घाटन गरेका छन् । परोहा नगरपालिका वडा नं ६ बसन्तपट्टीस्थित अन्होतीलाल माविको भवन मेयर शेख वकिल र छायाँ नेपालको कार्यकारी निर्देशक कमल थापाले  उद्घाटन  गरेका हुन् ।

परोहा नगरपालिका तथा छायाँ नेपालको आर्थिक सहयोगमा उक्त भवनको बनेको छ । परोहा नगरपालिकाबाट कुल ७ लाख  रुपैयाँ र छायाँ नेपालको तर्फबाट ४० लाख  रूपैयाँको लागतमा चारकोठे भवन निर्माण भएको हो । ४७ लाखमा भवन निर्माण भएको अध्यक्ष राजेश साहले जानकारी दिएका हुन् । उक्त कार्यक्रममा परोहा नगरपालिका ६ का वडाअध्यक्ष बिलास  पटेल अध्याक्षता गरेका थिए ।

कार्यक्रमको प्रमुख अतिथि शेख वकिल तथा विशिष्ट अतिथि छायाँ नेपालको कार्यकारी निर्देशक कमल थापा, अतिथिको रुपमा रामबाबु पटेल, नगरपालिकाको ईन्जिनियर दिपेन्द्र यादव,  तरूण दलका जिल्ला अध्यक्ष नैसाद आलम लगायत उपस्थिति रहेको थियो।