पर्सामा टयाक्टरको ठक्करबाट एकजनाको मृत्यु

वीरगञ्ज– पर्सामा ट्याक्टरको ठक्करबाट एकजनाको मृत्यु भएको छ। मृत्यु हुनेमा बहुदरमाई नगरपालिका वडा नं ८ निवासी ४५ वर्षीय तपसी शाह कानु रहेका छन्। मंगलबार राति करिब पौने ९ बजेको समयमा रामनगरीबाट महुवनतर्फ जाँदै गरेको २८५८ नम्बरको ट्याक्टरले सखुवाप्रसौनी ५ चोकस्थित सडकखण्डमा चटपटे बिक्री गरी घर फर्कँदै गरेका शाहलाई ठक्कर दिँदा उनको घटनास्थलमै मृत्यु हो।

घटनाको खबर पाएलगत्तै इलाका प्रहरी कार्यालय, पोखरीयाबाट खटिएको प्रहरी निरीक्षकसहितको प्रहरी टोलीले  ट्याक्टर नियन्त्रणमा लिएको छ। ट्याक्टर चालक भने फरार रहेको र उनको खोजीकार्य भइरहेको प्रहरीले जनाएको छ।