यू–१९ राष्ट्रिय क्रिकेट : आज सुदूरपश्चिम र प्रदेश १ , गण्डकी र लुम्बिनी भिड्दै

काठमाडौं- वाई वाई यू–१९ राष्ट्रिय क्रिकेट प्रतियोगितामा अन्र्तगत आज पनि दुई खेल हुदैछन् । त्रिवि मैदानमा सुदूरपश्चिम प्रदेश र प्रदेश १ भिड्दा मुलपानी मैदानमा गण्डकी प्रदेश र लुम्बिनी प्रदेश आमने सामने हुदैछन् । सुदूरपश्चिम लगातार चौथो जितको खोजीमा छ भने प्रदेश १ दोस्रो जितको लक्ष्यमा छ ।

सुदूरले यसअघिका तीनवटै खेल जितेर अंकतालिकाको शिर्ष स्थानमा छ भने प्रदेश एकले एकमा जित र एकमा पराजय ब्यहोरेको छ । यसअघि भएका तीनवटै खेलमा पराजित गण्डकी पहिलो जितको खोजीमा छ भने लुम्बिनी दोस्रो विजयको लक्ष्यमा छ । लुम्बिनीले यसअघि भएका दुई खेलमा एकमा हार र एकमा जित निकालेको छ ।