बिलबिजक नभएको २४३ जोर जुत्ता प्रहरीको नियन्त्रणमा

काठमाडौँ । प्रहरीले बाराबाट बिलबिजक नभएको २४३ जोर जुत्ता नियन्त्रणमा लिएको छ। प्रहरीले बारा जितपुर सिमरा उपमहानगरपालिका–२१ अमलेखगञ्जबाट चेकजाँच गर्ने क्रममा जुत्तासहित मारुती भ्यान नियन्त्रणमा लिएको हो।

बा १७ च ७७८० नम्बरको भ्यानमा लोड रहेको उक्त जुत्ताको मूल्य २ लाख ८० हजार ५ सय रहेको बाराका प्रहरी प्रवक्ता दधिराम न्यौपानेले जानकारी दिए।भ्यानसहित जुत्ताको बारेमा आवश्यक कानुनी प्रक्रिया अघि बढाइएको उनले बताए।